ایک روز کے اضافے کے بعد سونا آج پھر کئی ہزار روپے سستا، نئی قیمت کیا ہو گئی؟

کراچی:ایک روز کے اضافے کے بعد عالمی و مقامی مارکیٹوں میں سونے کی قیمت میں آج پھر بڑی کمی ہوگئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے تیسرے روزمقامی مارکیٹ میں 24 قیراط فی تولہ سونے کی قیمت میں 12627روپے کی نمایاں کمی ہوئی، جس کے نتیجے  میں فی تولہ سونا4لاکھ 42ہزار 436روپے کی سطح پر آگیا۔

ایسوسی ایشن کے مطابق اسی طرح فی 10 گرام سونے کی قیمت 11364روپے کی کمی کے ساتھ 3لاکھ 78 ہزار 170روپے کی سطح پر آگئی۔

علاوہ ازاں ملک  فی تولہ چاندی کی قیمت  385 روپے کی کمی کے ساتھ 6ہزار 929 روپے اور فی 10 گرام چاندی کی قیمت 352روپے کی کمی کے ساتھ 5ہزار 893روپے کی سطح پر آگئی۔

دوسری جانب عالمی بلین مارکیٹ میں آج فی اونس سونے کی قیمت 126 ڈالر 27سینٹس کی بڑی کمی  کے ساتھ 4ہزار 200ڈالر کی سطح پر آگئی 

واضح رہے کہ 6 جون کوبھی عالمی مارکیٹ میں سونا 124 ڈالر فی اونس اور مقامی سطح پر 12489 روپے فی تولہ سستا ہوا تھا۔