اسحا ق ڈار کا مصری وزیر خارجہ سے ٹیلیفونک رابطہ،خطے کی تازہ صورتحال پر تبادلہ خیال

اسلام آباد: نائب وزیرِ اعظم محمد اسحاق ڈار اور مصر کے وزیرخارجہ ڈاکٹر بدر عبدالعاطی کے درمیان ٹیلیفونک گفتگو ہوئی ہے۔

ترجمان دفتر خارجہ کے مطابق دونوں رہنماؤں نے خطے کی تازہ صورتحال پر تبادلۂ خیال کیا اور علاقائی امن و استحکام کے فروغ کے لیے جاری سفارتی کوششوں میں مثبت پیش رفت کا خیرمقدم کیا۔

ترجمان کے مطابق انہوں نے امید ظاہر کی کہ امریکہ اور ایران کے درمیان جاری رابطوں کا جلد اور تعمیری نتیجہ سامنے آئے گا، جو خطے میں پائیدار امن اور استحکام کے قیام میں معاون ثابت ہوگا۔

ترجمان نے مزید بتایا کہ گفتگو کے دوران دونوں فریقین نے باہمی دلچسپی کے امور پر قریبی رابطے اور مشاورت جاری رکھنے پر بھی اتفاق کیا۔