وزیراعظم نے بطور ثالث اسلام آباد مفاہمتی یادداشت پر دستخط کر دیئے

وزیراعظم محمد شہباز شریف نے بطور ثالث اسلام آباد مفاہمتی یادداشت پر دستخط کر دیئے ہیں۔

اسلام آباد مفاہمتی یادداشت پر امریکہ کے صدر ڈونلڈ جے ٹرمپ اور ایرانی صدر مسعود پزشکیان نے بھی دستخط کیے ہیں۔

وزیراعظم نے اس سے قبل ایکس پر ایک پوسٹ میں کہا کہ اسلام آباد مفاہمتی یادداشت فوری طور پر نافذ العمل ہو گی اور پہلے مرحلے میں ایران فوری طور پر آبنائے ہرمز کو دوبارہ کھول دے گا اور امریکہ فوری طور پر بحری ناکہ بندی ختم کرے گا۔

انہوں نے کہا کہ پاکستان، شریک ثالث قطر کے تعاون سے، کل سوئٹزرلینڈ میں اس تاریخی معاہدے کو یادگار بنانے اور تکنیکی سطح کے مذاکرات کے آغاز کے حوالے سے ایک سرکاری تقریب کی میزبانی کرے گا۔

I am honoured to announce that the historic ‘Islamabad Memorandum of Understanding’ has been electronically signed today between the United States of America and the Islamic Republic of Iran. The Memorandum has been signed by honourable Presidents of both the countries and also…

— Shehbaz Sharif (@CMShehbaz) June 18, 2026

شہباز شریف نے تاریخی اسلام آباد مفاہمتی یادداشت پر پہنچنے پر امریکی اور ایرانی رہنماؤں کو بھی سراہا اور انہیں مبارکباد دی۔

دوسری جانب ایرانی سرکاری میڈیا کی جانب سے صدر مسعود پزشکیان کی تصاویر جاری کی گئیں جس میں وہ مفاہمتی یاداشت پر دستخط کررہے ہیں۔