لالی وڈ کی نئی آنیوالی فلم ’ریڈ لائن‘ کے گانے کی مقامی اسٹوڈیو میں ریکارڈنگ

عبدالسلام علی 

لاہور: نئی پاکستانی فلم ریڈ لائن کی شوٹنگ جاری ہے۔ فلم کے گانے کی ریکارڈنگ معروف ساونڈ ریکارڈسٹ  ادریس خان کے اسٹوڈیو میں ہوئی جس میں ملک کی معروف گلوکارہ سائزہ نسیم اور ابھرتے ہوئے اداکار و گلوکار عون علی خاں نے حصہ لیا اور اپنے گیت ریکارڈ کروائے۔

عون علی خان جو اس فلم میں مرکزی کردار میں بھی دکھائی دیں گے اداکاری کے ساتھ ساتھ  آواز کا بھی جادو جگائیں گے۔ گیت کے ریکارڈنگ کے دوران اداکار و فلم ڈائریکٹر غلام محی الدین ، فلم ڈائریکٹر جاوید رضا ، زیڈ اے زلفی، عابد علی نیبو  اور دیگر موجود تھے۔

اداکار عون علی خان نے کہا کہ سائرہ نسیم کے ساتھ گانا گانا کوئی اعزاز سے کم نہیں مجھے جہاں فلم میں کام کرنے کی بے حد خوشی ہے وہیں  گلوکاری کے ذریعے بھی خود کو منوانے کی کوشش کروں گا ۔ گلوکارہ سائرہ نسیم نے بھی عون علی خان کیلئے نیک خواہشات کااظہار کیا۔