ہدایتکارہ سنگیتا کا فلم مکھو 25 دسمبر کو ریلیز کرنے کا اعلان، شوٹنگ آخری مراحل میں

عبدالسلام علی سے 

لاہور: معروف اداکارہ ہدایتکارہ سنگیتا کی نئی فلم مکھو کی شوٹنگ زور و شور سے جاری ہے۔ اس حوالے سے اداکارہ میرا پر خوب صورت گیت عکس بند کیا گیا جس میں اداکار طلعت شاہ نے بھی حصہ لیا۔ گانے کی کوریوگرافی پپو سمراٹ نے دی جبکہ اس کی شوٹنگ لاہور کے نجی فارم میں ہوئی۔

اداکارہ میرا نے کہا کہ فلم انڈسٹری کے ساتھ میرا جنون ہمیشہ قائم رہے گا۔ خوشی ہے کہ نئی فلمیں بن رہی ہیں، انہوں نے مزید کہا کہ ہدایتکارہ سنگیتا ایک پروفیشنل اور محنتی اداکارہ ہیں جنہوں نے ڈائریکشن میں بھی اپنا لوہا منوایا ہے۔ 

ہدایتکارہ سنگیتا نے کہا کہ کم مدت میں فلم مکمل کی ہے دن رات اس کے لیے شوٹنگز کی گئی ہیں۔ فلم میں اداکار معمر رانا، اداکارہ صائمہ نور، حسن مراد، فجر اور دیگر اداکار پردہ اسکرین پر نئے انداز میں دکھائی دیں گے۔ میری  خواہش ہے کہ فلم انڈسٹری کی رونقیں بحال ہوں اس فلم کو 25 دسمبر اسی سال میں ریلیز کیا جائے گا۔