کسی کو اسلام آباد کی طرف مارچ نہیں کرنے دیا جائے گا، محسن نقوی

وزیر داخلہ محسن نقوی نے واضح طور پر کہا ہے کہ اسلام آباد ہائی کورٹ کے تفصیلی فیصلے کی روشنی میں کسی کو اسلام آباد کی طرف مارچ نہیں کرنے دیا جائے گا۔

وہ اسلام آباد میں وزیر مملکت طلال چوہدری کے ہمراہ نیوز کانفرنس سے خطاب کر رہے تھے۔

وزیر داخلہ نے کہا کہ قانون نافذ کرنے والے اداروں کو ہدایت کی گئی ہے کہ اگر کوئی اسلام آباد ہائی کورٹ کے حکم کی خلاف ورزی کی کوشش کرے تو اس کے خلاف فوری اور فیصلہ کن کارروائی کی جائے۔

کوہاٹ دھماکے کے بارے میں گفتگو کرتے ہوئے انہوں نے کہا کہ خیبرپختونخوا حکومت کو احتجاج کے لیے لوگوں کو متحرک کرنے کے بجائے اپنی کوششیں صوبے میں دہشت گردی کے خاتمے کی جانب مرکوز کرنی چاہئیں۔