ایران کے نومنتخب صدر ابراہيم رئيسی نے عہدے کا حلف اٹھا ليا

غیر ملکی خبر رساں ادارے کے مطابق  صدر ابرہیم رئیسی نے سپریم لیڈر آیت اللہ  خامنہ  ای کی طرف سے الیکشن کامیابی کی توثیق کے دو دن بعد عہدے کا حلف اٹھا لیا۔  ابراہیم رئيسی باسٹھ فيصد ووٹ حاصل کر کے جون ميں  ہونے والے انتخابات ميں کامياب رہے تھے۔

تقريب سے اپنے خطاب ميں ایرانی صدررئيسی نے کہا تھا کہ اقتصادی بحران سے نمٹنا، بڑھتی ہوئی افراط زر پر کنٹرول کرنا اور کرپشن کا خاتمہ ان کی اولين ترجيحات ميں شامل ہيں۔ ابراہیم رئیسی پر امریکا نے پابندیاں عائد کر رکھی ہیں ۔

 ابراہیم رئیسی  نے ایران پر عائد امریکی پابندیوں کے خاتمے کے لیے کام کرنے کے عزم کا  بھی اظہار کیا ۔ سبکدوش ہونے والے صدر حسن روحانی مقابلتاً اعتدال پسند تھے مگر رئيسی سخت گير نظريات کے حامل ہيں۔  صدر رئیسی جوہری پروگرام پر عالمی طاقتوں کے ساتھ مذاکرات کی حمایت کرتے ہیں لیکن مذاکرات میں ان کا موقف سخت ہوگا۔

 عہدے کا حلف لینے سے پہلے ابراہیم  رئیسی نے  73 ملکوں کے 115 عہدیداروں سے ملاقاتیں کیں جو  حلف برداری کی تقریب میں مدعو تھے ۔