لاہور سمیت پنجاب کے کئی شہروں میں آندھی اور بارش

تفصیلات کے مطابق لاہور، شیخوپورہ، فیصل آباد، چنیوٹ، جھنگ، سرگودھا، میانوالی، جہلم اور پنڈی سمیت پنجاب کے کئی شہروں میں آندھی اور بارش ہوئی۔ بارش اور تیز ہوا کےباعث متعددفیڈرزٹرپ کرگئے،کئی علاقوں کی بجلی  منقطع ہوگئی جس کی وجہ سے شہریوں کو  مشکلات  کا سامنا کرنا پڑا۔  لاہور کے علاقوں  باٹا پور، بادامی باغ،ایئرپورٹ اورتاج باغ  ، داتا گنج بخش ٹاؤن ،گڑھی شاہو،مغل پورہ ،کوٹ لکھپت سمیت مختلف علاقوں میں بارش ہوئی ۔ محکمہ موسمیات نے فیصل آباد اور گردونواح میں آج  مزید بارشوں کی پیش گوئی کردی ۔

دوسری جانب بلوچستان کے علاقے ژوب میں بھی موسلادھار بارش کا سلسلہ جاری ہے۔  کشمیر ، اسلام آباد ، بالائی پنجاب ، خیبرپختونخوا اور گلگت بلتستان میں تیز ہواؤں/گرج چمک کے ساتھ بارش کا امکان ہے۔ آج صبح کچھ بڑے شہروں کا درجہ حرارت یوں ہے ۔  اسلام آباد اور لاہور 23 ڈگری سینٹی گریڈ ، کراچی28 ، پشاور26 ، کوئٹہ 24 ، گلگت 18،  مظفر آباد20 اور مری 17 ڈگری سینٹی گریڈ ریکارڈ کیا گیا۔