جعلی راجکماری بیرون ملک فرار ہونےکی تیاری کئےبیٹھی ہے، فردوس عاشق اعوان

سماجی رابطے کی ویب سائٹ ٹوئٹر پر   ڈاکٹر فردوس عاشق اعوان نے کہا کہ   پی ڈی ایم کی مستقل ناکامیوں اور سینیٹ انتخابات میں متوقع رسوائی کے خوف سے جعلی راجکماری بیرون ملک فرار ہونےکی تیاری کئےبیٹھی ہے۔ بیماری کے نام پر عوام کو گمراہ کرکے ہمدردیاں سمیٹنے کا ہنر کوئی اس کرپٹ شاہی خاندان سے سیکھے۔

فردوس عاشق اعوان نے کہا کہ  ‏اپنی ناکامیوں کا اعتراف جعلی راجکماری کے اس بیان میں واضح ہے کہ انہیں معمولی سے علاج کیلئے بھی بیرون ملک جانا پڑتا ہے۔جو اشرافیہ اپنے علاج کیلئے ہی کوئی ہسپتال نہ بناسکی انکی اولادوں کو عوام سے ہمدردی کا ڈھونگ رچاتے شرم آنی چاہئے۔