فلائی دبئی نے پاکستان سے پروازیں معطل کر دیں

تفصیلات کے مطابق جمعے کو فضائی کمپنی کی جانب سے جاری کیے گئے اعلامیہ کے تحت’پاکستان سے اماراتی رہائشی اجازت نامہ رکھنے والے مسافروں کو لے جانے کے لیے فضائی آپریشن کو معطل کر دیا ہے تاہم ٹرانزٹ مسافروں کے لیے پروازیں جاری رہیں گی۔‘

مزید پڑھیں : حکومت کے خلاف ترین گروپ نے بڑی میٹنگ بلا لی 

خیال رہے کہ اس سے قبل اسلام آباد اور کراچی سے امارات جانے والی پروازوں سے مسافروں کو آف لوڈ کر دیا گیا تھا۔

ایمریٹس فلائیٹ انکوائری نے بتایا کہ ’مسافروں کے پاس کورونا ریپڈ پی سی آر نہ ہونے کے باعث متحدہ عرب امارات جانے والے مسافروں کو آف لوڈ کیا گیا جبکہ پرواز صرف ٹرانزٹ مسافروں کو ہی لے کر روانہ ہوئی ہے۔‘