افغان صدر اشرف غنی کے سابق ترجمان طالبان کے حملے میں قتل

تفصیلات کے مطابق افغان طالبان کے ترجمان ذبیح اللہ مجاہد نے ایک بیان میں واقعے کی ذمہ داری قبول کرتے ہوئے اسے ایک ’خاص حملہ‘ قرار دیا۔

خبر رساں ایجنسی روئٹرز کے مطابق وفاقی وزارت داخلہ کے ایک عہدے دار نے قتل کی تصدیق کی ہے، تاہم انہوں نے یہ نہیں بتایا کہ اس کا ذمہ دار کون ہے۔

وزارت داخلہ کے ترجمان میرویس ستانکزی نے دوا خان مینہ پال کے قتل کی تصدیق کی ہے۔

مینہ پال سرکاری میڈیا اور انفارمیشن سینٹر کے سربراہ تھے اور اس سے قبل وہ کئی سال تک نائب صدارتی ترجمان کے طور پر خدمات انجام دے چکے ہیں۔

یاد رہے کہ مینہ پال افغان صدر اشرف غنی کے ترجمان بھی رہ چکے ہیں۔

طالبان نے کچھ دن قبل خبردار کیا تھا کہ وہ بڑھتے ہوئے فضائی حملوں کے ردعمل میں حکومت کے سینیئر حکام کو نشانہ بنائیں گے۔

گذشتہ ماہ طالبان نے ملک کے جنوب میں ایک مزاحیہ ٹک ٹاک فنکار خاشہ کے قتل کی ذمہ داری قبول کرتے ہوئے دو جنگجؤوں کی گرفتاری کی تصدیق کی تھی۔