متحدہ عرب امارات کے اسرائیل میں پہلے سفیر نے حلف اٹھا لیا

غیر ملکی خبر رساں ادارے کے مطابق  دبئی کے حکمران اور متحدہ عرب امارات کے نائب صدر شیخ محمد بن راشد المکتوم نے اسرائیل میں اپنے پہلے نامزد سفیر  محمد محمود ال خاجہ سے حلف لیا ہے۔

گزشتہ ماہ متحدہ عرب امارات کی کابینہ نے اسرائیل (تل ابیب)  میں سفارتخانے کے قیام کی منظوری دی تھی۔ سرکاری میڈیا کا کہنا  ہے  کہ  متحدہ عرب امارات اور اسرائیل کے اگست میں تعلقات معمول پر لانے پر راضی ہونے کے بعد اسرائیل نے ابوظہبی میں اپنا سفارت خانہ کھولنے کا اعلان کیا۔