ماہر امراض چشم ڈاکٹر زبیدہ"بک اتھارٹی" کی فہرست میں جگہ بنانے والی پہلی پاکستانی خاتون

ماہر امراض چشم  ڈاکٹر زبیدہ سیرنگ چترال کی رہنے والی ہیں اور انہوں نے امراض چشم  کے طلبا کی تیاری کے لیے ایک کتاب لکھی ہے جسے آج تک کی امراض چشم سے متعلق  بہترین کتابوں میں شامل کر لیا گیا ہے جس کے بعد ماہر امراض چشم  ڈاکٹر زبیدہ سیرنگ"بک اتھارٹی" کی فہرست میں جگہ بنانے والی پہلی پاکستانی ڈاکٹر بن گئیں ہیں۔

کتاب کا عنوان ہے "آپٹکس میڈ ایزی" ہے اور یہ کتاب ایمیزون کے تین بہترین فروخت کنندگان میں سے ایک ہے۔

خیال رہے کہ "بک اتھارٹی" نان فکشن کتابوں کے لئے ایک نامور پلیٹ فارم ہے ، جو اپنے قارئین کو مختلف عنوانات پر بہترین کتابیں ڈھونڈ کر اپنی صلاحیتوں کو بہتر بنانے میں مدد فراہم کرتا ہے۔

ماہر امراض چشم  ڈاکٹر زبیدہ سیرنگ نے آغا خان یونیورسٹی  کراچی سے ایم بی بی ایس کی تعلیم حاصل کی  ہے اور اس وقت وہ  آئرلینڈ سےسرجن بن رہی ہیں جس کے بعد وہ اپنے آبائی شہر میں خدمات انجام دینے کا عزم رکھتی ہیں۔