چیئرمین نیب، عمران خان کو کھلا چیلنج ہے کرپشن ثابت کر کے دکھائیں:شاہد خاقان عباسی

احتساب عدالت کے باہر میڈیا سے گفتگوکرتے شاہد خاقان عباسی نے کہاکہ 2018 میں سینیٹ ووٹ خریدے گئے جس کی ویڈیو موجود ہے، 2018 میں پیسے لینے والے پی ٹی آئی کے ایم پی اے ہیں،پی ٹی آئی کے ایم پی اے کہتے ہیں وزیراعلیٰ خیبرپختونخوانے پیسے دیئے،پی ٹی آئی کے ایم پی اے کہتے ہیں سپیکرکے گھرمیں پیسے دیئے گئے،خیبرپختونخوااسمبلی کے وہ سپیکرآج قومی اسمبلی کے سپیکرہیں، الزام لگانے والے آج خودبے نقاب ہوگئے۔

سابق وزیر اعظم نے کہاکہ احتساب کادہرانظام نہیں چل سکتا،احتساب کرنیوالوں کااپنااحتساب ہوناچاہئے،نام نہاداحتساب والے سن لیں ایک دن حساب ہوگا۔ڈھائی سال مکمل ہو چکے، مقدمات کی حقیقت پورا پاکستان جانتا ہے، ہمارا کھلا چیلنج ہے چیئرمین نیب، عمران خان اور اس کے حواریوں کو کہ پانچ سال حکومت کی، کرپشن ثابت کر کے دکھائیں۔ 

شاہد خاقان عباسی نے کہاکہ نوازشریف پاکستان کے شہری اور 3 بارکے وزیراعظم ہیں، کسی کوحق نہیں کہ نوازشریف کاپاسپورٹ روکے، نوازشریف علاج کی غرض سے بیرون ملک گئے،انہوں نے کہاکہ براڈشیٹ سے متعلق عمران خان وضاحت دیں ،اس ملک کی آج اصل حقیت مہنگائی ہے۔