سرگودھا :دھندکےباعث ٹریفک حادثہ، ایک ہی خاندان کے 4 افرادجاں بحق

جی این این کے مطابق   یہ افسوس ناک  واقعہ دھند کے باعث پیش آیا ، کار میں سوار بدقسمت خاندان   ایبٹ آباد سے لاہور جا رہا تھا کہ  دھند کے باعث کار  موٹروے سے اُتر  گئی اورسیال موڑ کے قریب جاتے ہوئے کار نہر میں جا گری ۔ جس کے نتیجے میں   دو بچے اور میاں بیوی موقع پر ہی دم توڑگئےجبکہ ایک   خاتون زخمی ہے  ۔

حادثے کی اطلاع ملتے ہی  ریسکیو اور امدادای ٹیمیں  موقع پر پہنچ گئیں ۔ ریسکیو  ٹیم نے نعشوں  اور  زخمی خاتون کو ٹی ایچ کیو ہسپتال سیال موڑ منتقل  کردیا گیا  ہے ۔

اس حوالے سے پولیس کاکہنا ہے کہ زخمی  خاتون بے ہوش ہے  اور خاتون کے ہوش میں آنے اور گاڑی میں سے معلومات ملنے پر لواحقین سے رابطہ  کریں گے ۔