ہماری کسی سے کوئی ذاتی دشمنی نہیں : چیئرمین نیب

تفصیلات کے مطابق چیرمین نیب کا کہنا ہے کہ 90 فیصد کیسزایسے ہیں جن کو میں جانتا بھی نہیں کیس کس کیخلاف ہے، نیب کرپشن کے خاتمےکی کوشش کرتا ہے توالزامات کا سامنا کرنا پڑتا ہے،الزام کسی بھی نوعیت کا ہو نیب نے اپنا کام کرنا ہے ۔

انہوں نے کہا ہے کہ پلی بارگین قانون کے مطابق ہونی ہے، نیب جب پلی بارگین کرتا ہے تو قانون کےمطابق کرتا ہے، پلی بارگین پر بھی تنقید کی جاتی ہے، پلی بارگین کی منظوری عدالت دیتی ہے یہ اختیارہمارے پاس نہیں، پلی بارگین قانون میں موجود ہے ۔

جسٹس (ر) جاوید اقبال کا کہنا ہے کہ ثابت ہو جائے زبردستی پلی بارگین کی توخودکوپیش کرتا ہوں جومرضی سزادیں، پلی بارگین میں ساری چیزوں کو سامنے رکھا جاتا ہے ،پلی بارگین کا قانون دیگر ممالک میں بھی ہے ۔

انہوں نے کہا ہے کہ 10ارب سے زائد رقوم متاثرین میں تقسیم کرچکےہیں،نیب پر تنقید سے پہلے ان چیزوں کو بھی سامنے رکھیں،یہ نہیں ہو سکتا بیواؤں اور غریبوں کیساتھ لوٹ مار کریں اورنیب ایکشن نہ لے ۔

ان کا مزید کہنا تھا کہ جھوٹ تواتر بولنے سےسچ نہیں ہوجاتا،قانونی شہادت میں معیار ترجیح ہوتی ہے، الزام تراشی میں وقت ضائع کرنے کے بجائے متعلقہ عدالتوں سے رجوع کریں اور ریلیف لیں ۔