سینیٹ عمران خان ہی جیتے گا،شیخ رشید کی پیشگوئی

میڈیا سے گفتگو کرتے ہوئے وزیر داخلہ شیخ رشید احمد کا کہنا تھا کہ ہم بہت جلد اسلام آباد کی پولیس کو ماڈرنائزڈ کرنے جارہے ہیں،اسلام آباد پولیس کیلئے 100ہائی پاور بائکس لارہے ہیں جبکہ اسلام آباد سے سارے ناکے ختم کررہے ہیں۔

انہوں نے مزید کہا کہ پی ڈی ایم والے آرہے ہیں لیکن ان سے کچھ نہیں ہونے والا،پی ڈی ایم اسلام آبادآناچاہتی ہےتوشوق پوراکرلے،پی ڈی ایم آرام سےآئےجوڈوکراٹےنہیں ہوں گے، لانگ مارچ قانون کے مطابق نہ ہوا تو قانونی کاروائی ہوگی،اگر پی ڈی ایم والے اسلام آباد والوں کو تنگ نہیں کریں گےتو اسلام آباد والے بھی انہیں تنگ نہیں کریں گے،ہمیں امید ہے کہ پی ڈی ایم قانون اور آئین کے دائرے میں رہ کرلانگ مارچ کریں گے،رمضان کےبعدلانگ مارچ کامشورہ دیاتھا،3مارچ سے اس ملک میں صحیح سیاست شروع ہوگی اور4مارچ سےعمران خان کےسیاسی ستارےعروج پرہوں گے۔ عمران خان سینیٹ الیکشن جیتنےجارہےہیں،اگرکسی کوغلط فہمی ہےتودورکرلے، سینیٹ عمران خان ہی جیتے گا۔

ایک سوال کے جواب میں شیخ رشید کا کہنا تھا کہ مریم نے کہا ہے کہ میں باہر جانے کی درخواست ہی نہیں دے رہی تو اس کو ایشو نہ بنائیں،مریم نواز کا نام تو ویسے ہی ای سی ایل میں ہےاور مریم نوازکانام 2018سےای سی ایل میں ہے،مریم کا نام ای سی ایل میں ہے جس کے باعث انکی درخواست کی کوئی اہمیت نہیں۔

شیخ رشید نے مزید کہا کہ کرسچن کمیونٹی ایک محب وطن لوگ ہیں،میں نے کرسچن کو بہت قریب سے دیکھا ہے،یہ لوگ بہت نفیس ہوتے ہیں،کبھی آپ نے کرسچن کو دہشت گرد نہیں پایا،میں کوشش کرتا ہوں میں کرسچن کے خوشی میں شامل ہوں، عمران خان کی حکومت لبرل حکومت ہے،ہماری حکومت انتہا پسندی کیخلاف ہے،ہماری کوشش ہے کہ ہماری حکومت میں کوئی کسی کے مذہب کو نہ چھیڑے، ہماری کوشش ہے کہ سب کو اپنے مذہب کے مطابق عبادت کرنے کی مکمل آزادی ہو جبکہ ہندوستان میں ہر مذہب کے لوگ تنگ ہیں،ہندوستان میں اقلیتیوں کی کوئی عزت نہیں ہے۔