سینیٹ الیکشن میں باآسانی کامیابی حاصل کریں گے:وزیراعظم

وزیراعظم عمران خان کی زیرصدارت حکومتی رہنماوں کا اجلاس ہوا جس میں موجودہ سیاسی صورتحال اور سینیٹ الیکشن سے متعلق تبادلہ خیال کیا گیا۔ اجلاس میں شرکاء کوحکومتی فیصلوں اور کفایت شعاری پر رہنماوں نے بریفنگ دی۔ اس موقع پر وزیراعظم عمران خان کا کہنا تھا کہ پی ڈی ایم کا لانگ مارچ بھی جلسوں کی طرح بری طرح ناکام ہوگا،ہم نے اپوزیشن کا پہلے پریشر لیا، نہ آئندہ لیں گے،وزیراعظم ہاوس کا خرچہ 49 فیصد کم کر دیا ہے،ہمارے دور میں وزیراعظم آفس کا خرچہ 506 ملین سے کم 243 ملین کیا گیا،لوگوں کو پتا ہونا چاہیے مشکل حالات میں حکومت انکے ساتھ ہے،آج سارے معاشی اعشاریے بہتری کی طرف جارہے ہیں،بڑے عرصے کے بعد لارج سکیل مینوفیکچرنگ میں واضح ہو رہا ہے۔

اجلاس میں یوسف رضا گیلانی کو ٹکٹ جاری کرنے پر بھی بات چیت کی گئی جس پر وزیراعظم عمران خان کا کہنا تھا کہ ایم این اے ایم پی ایز کے گلے شکوے دور کریں گے،ارکان پارلیمنٹ تحفظات کے باوجود پارٹی کے ساتھ کھڑے ہیں،ہم نے ارب پتی لوگوں کو سینیٹ ٹکٹ کی روایت توڑ دی ہے، ہم نے بہترین امیدواروں کو سینیٹ کے ٹکٹ دیے ہیں، سینیٹ الیکشن میں باآسانی کامیابی حاصل کریں گے۔