وزیر داخلہ شیخ رشید سے فلپائن کے سفیر کی ملاقات

تفصیلات کے مطابق افغانستان میں پھنسے100سے زائد فلپائن کے شہریوں کے انخلاسے متعلق تبادلہ خیال فلپائنی سفیر نے اس خواہش کا اظہارکیا کہ پاکستان فلپائنی شہریوں کو جلد از جلد بحفاظت افغانستان سے نکالیں میں ہماری مدد کرے، فلپائنی سفیر نےپاکستان کے جذبہ خیر سگالی کی تعریف بھی کی ہے ۔

وزیر داخلہ نے سفیر کو یقین دہانی کروائی کہ فلپائنی شہریوں کو پاکستان پہنچنے میں ہر ممکن مدد دیں گے، افغان صورتحال کے پیش نظر  انسانی اور سفارتی ذمہ داریاں پوری کر رہے ہیں ۔

شیخ رشید نے کہا کہ غیر ملکی شہریوں کو  افغانستان سے بحفاظت نکلنے میں بھر پور مدد کر رہے ہیں،سفارتکاروں، صحافیوں  اور ان کے اہل خانہ کے لئے ویزا پالیسی نرم کی ہے،وزیر اعظم کی ہدایت پر ان کو پاکستان آمد پر ویزے کی سہولت فراہم کر رہے ہیں۔

وزیر داخلہ شیخ رشید  نے مزید کہا کہ خصوصی فلائٹس کی اجازت اورسکیورٹی فراہم کررہے ہیں۔