گوادر: خودکش دھماکہ میں 2 بچے ہلاک ،ایک چینی باشندہ زخمی

تفصیلات کے مطابق  گوادر شہر میں دھماکہ ہوا ہے، جس کے نتیجے میں دو بچے جاں بحق ہوگئے ہیں ۔پولیس ذرائع کے مطابق دھماکہ بلوچ وارڈ گوادر ایکسپریس وے کے قریب ہوا ہے۔دھماکے میں دو بچے جاں بحق ہوئے  جبکہ ایک غیر ملکی انجینئر سمیت تین افرادزخمی ہوئے ہیں۔

مزید پڑھیں : لاہور میں خاتون سےدست درازی کا ایک اور واقعہ

ریسکیو ذرائع کا کہنا ہے کہ دھماکے میں زخمی ہونے والے افراد کو طبی امداد کے لیے اسپتال منتقل کیا جارہا ہے۔قانون نافذ کرنے والے اداروں نے علاقے کو گھیرے میں لے لیا ہے جس کے بعد شواہد اکٹھے کیے جارہے ہیں۔

ترجمان بلوچستان حکومت   لیاقت شاہخوانی نے  چینی باشندوں کی گاڑی پر خودکش حملے کی مذمت کی ہے۔انہوں نے کہا ہے کہ  پولیس اور سی ٹی ڈی نے موقع پر پہنچ کر  تحقیقات شروع کردیں ہیں ۔

Strongly condemn suicide attack on Chinese nationals Vehicle in #Gwadar.

2 children died who were playing nearby & one Chinese sustained minor injuries.

3 persons injured including driver

Police & CTD teams are on the crime scene.
Investiga launched.

Innocent Children,Afsos

— Liaquat Shahwani (@LiaquatShahwani) August 20, 2021

خیال رہے کہ  8 اگست کو کوئٹہ سرینہ چوک پر دھماکہ ہوا تھا جس کے نتیجے میں 2 پولیس اہلکار شہید اور 18 افراد زخمی ہوگئے تھے۔ سرینا چوک کے قریب دھماکے میں پولیس وین کو نشانہ بنایا گیا۔