سکیورٹی فورسز کی گاڑی بارودی سرنگ سے ٹکرا گئی،دھماکے میں کیپٹن کاشف شہید : آئی ایس پی آر

پاک فوج کے شعبہ تعلقات عامہ (آئی ایس پی آر )  کے مطابق بلوچستان کے علاقے توبو میں سکیورٹی فورسز کی گاڑی   بارودی سرنگ سے ٹکرا گئی ہے

آئی ایس پی آر کے مطابق پاک فوج کا کیپٹن کاشف آئی ای ڈی دھماکہ میں شہید ہوگیا ہے جبکہ زخمیوں کو طبی امداد کے لیے خضدار پہنچا دیا گیا ہے۔

دوسری جانب  سیکورٹی فورسز نے شمالی وزیرستان کے بویا میں دہشت گردوں کی موجودگی کی اطلاع پر ایک انٹیلی جنس آپریشن کیا۔

آئی ایس پی آر کا کہنا ہے کہ فائرنگ کے تبادلے کے دوران ایک دہشت گرد مارا گیا، ہلاک دہشت گرد سے اسلحہ اور گولہ بارود برآمد ہوا ہے،علاقے میں تلاشی کا عمل جاری ہے تاکہ علاقے میں پائے جانے والے دیگر دہشت گردوں کو ختم کیا جا سکے۔