کسی بنچ کو ازخودنوٹس لینے کا اختیار نہیں، سپریم کورٹ کا فیصلہ

تفصیلات کے مطابق   ازخودنوٹس لینے کے طریقہ کار کے کیس میں  سپریم کورٹ نے فیصلہ محفوظ   شدہ فیصلہ سنا دیا ہے،جسٹس عمر عطا بندیال نے فیصلہ پڑھ کر سنایا۔سپریم کورٹ نے 20 اگست کو دو رکنی بینچ کی طرف سے جاری حکم واپس لے لیا ہے۔سپریم کورٹ نے صحافیوں کی جانب سے دائر درخواستیں نمٹا دی ہیں ، صحافیوں کی درخواست کا معاملہ چیف جسٹس کو بھجوا دیا گیا ۔

سپریم کورٹ نے فیصلے میں کہا ہے کہ  کسی بنچ کو ازخودنوٹس لینے کا اختیار نہیں ہے، بینچ چیف جسٹس کونوٹس لینے کی سفارش کرسکتا ہے ، صحافیوں کی درخواست کا کیا کرنا ہے فیصلہ چیف جسٹس کرینگے، ازخودنوٹس کا اختیارصرف چیف جسٹس استعمال کر سکتے ہیں۔

سپریمکورٹ نے کہا ہے کہ  بنچز کی جانب سے لئے گئے تمام نوٹسز پر سماعت معمول کے مطابق ہوگی،بنچز کے نوٹسز پر سماعت چیف جسٹس کے تشکیل کردہ بنچ ہی کرینگے، کوئی بنچ ازخود کسی کو طلب کر سکتا ہے نہ رپورٹ منگوا سکتا ہے، ازخودنوٹس کا اختیار استعمال کرنے کیلئے چیف جسٹس کی منظوری لازمی ہوگی۔