دنیا کو افغانستان کے لوگوں کو تنہا نہیں چھوڑنا چاہیئے : فواد چوہدری

تفصیلات کے مطابق سماجی رابطے کی ویب سائٹ ٹوئٹر پر جاری  ایک بیان میں وفاقی وزیرِ اطلاعات و نشریات فواد چوہدری نے گزشتہ روز افغانستان کے دارالحکومت کابل کے ایئرپورٹ پر ہونے والے 3 دھماکوں اور ان کے نتیجے میں قیمتی جانوں کے ضیاع پر اپنے ردِ عمل کا اظہار کرتے ہوئے کہا کہ پڑوسی ملک افغانستان میں خلاء بہت خطرناک ہے۔  دنیا کو افغانستان کے لوگوں کو تنہا نہیں چھوڑنا چاہیئے۔ فواد چوہدری کاکہنا تھا کہ  پاکستان اپنا ذمے دارانہ کردار جاری رکھے ہوئے ہے۔تاہم افغانستان میں استحکام کے لیے بڑی طاقتوں کا متحرک کردار انتہائی اہم ہے۔

Vaccum in Afghanistan is hugely dangerous,the world must not abandon people of Afghanistan otherwise there will be a chaos Pakistan is playing a responsible role but a vibrant role of major powers is extremely important to stabilise Afghanistan #Afghanistan https://t.co/YSOaOe8Bqr

— Ch Fawad Hussain (@fawadchaudhry) August 27, 2021

واضح رہے کہ پڑوسی ملک افغانستان کے دارالحکومت کابل کے ایئر پورٹ پر گزشتہ روز ہوئے 3 دھماکوں میں ہلاک ہونے والے افراد کی تعداد 90 ہو چکی ہے، جبکہ واقعے میں 150 سے زائد افراد زخمی ہوئے ہیں۔