کراچی: کورنگی کیمیکل فیکٹری میں آتشزدگی، 15مزدور جاں بحق

جی  این این کے  مطابق کورنگی مہران ٹاؤن سیکٹر بی میں  کیمیکل فیکٹری میں صبح دس بجے کے قریب  آگ لگ گئی ،جس کے نتیجے میں اب تک 13افراد  جاں بحق ہوگئے ہیں ۔جاں بحق افراد میں ایک ہی گھر کے چار افراد شامل ہیں۔ فائر بریگیڈ حکام کے مطابق فیکٹری میں مختلف اشیاء کے بنانے میں استعمال ہونے والا کیمیکل موجود تھا،  آگ کیمیکل کے ڈرم میں لگی اور آگ پھیلتی گئی۔اقعے کی اطلاع ملتے ہی فائر بریگیڈ کی گاڑیاں موقع پر پہنچ گئیں ، فائر بریگیڈ کی  8گاڑیاں   اور واٹر ٹینکر آگ بجھانے میں مصروف ہیں ۔فائر بریگیڈ کی جانب سے اسے تیسرے درجے کی  آگ قرار دیا جارہا ہے ۔

آگ کی شدت سے عمارت کے کچھ حصے گرنے لگ گئے ہیں، فائربریگیڈ کے مطابق امدادی کارروائی کے دوران 2 ریسکیو اہلکار زخمی ہوئے ،ایک اہلکار فیکٹری کی دوسری منزل سے گر کر زخمی ہوا۔پولیس حکام کے مطابق فیکٹری عملہ کے مطابق اندر پچیس کے قریب لوگ موجود تھے۔ریسکیو ذرائع کا کہنا ہے کہ ہلاکتوں کی تعداد بیس سے زائد ہونے کا امکان ہے۔ آگ سے اندر کسی کے زندہ بچ جانے کے امکانات انتہائی معدوم ہیں، کوئی معجزہ ہی شاید کسی کو بچا سکے گا۔ 

فیکٹری میں امدادی کارروائیاں جاری ہیں ۔

خبر میں تفصیل شامل کی جارہی ہیں ۔۔۔