سندھ حکومت کا کورونا ایس او پیزاور ویکسینیشن سے متعلق نیا حکم نامہ جاری

تفصیلات کے مطابق  نیشنل کمانڈ اینڈ آپریشن سینٹر (این سی او سی ) کی ہدایت پر محکمہ داخلہ سندھ  نے تعلیمی اداروں، ریسٹورنٹس، ہوائی جہاز اور پبلک ٹرانسپورٹ میں سفر کے لئے ویکسینیشن لازمی قرار دیدی ہے۔ہوٹل، شاپنگ مالز اور شادی ہالز میں داخلے کیلئے بھی ویکسینیشن لازمی قرار دیدی گئی۔اس حوالے سے محکمہ داخلہ سندھ نے 30 ستمبر کی ڈیڈ  لائن دیدی ہے۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد25ہزار415ہوگئی ہے،جبکہ  متاثرہ افراد کی مجموعی تعداد 11لاکھ44ہزار341ہوگئی ہے ۔ ملک میں کوروناوائرس کےمثبت کیسزکی شرح6.42فیصدرہی۔

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ27ہزار037ہو گئی جبکہ صوبے میں اب تک 6 ہزار 766افراد جان کی بازی ہار گئے  ہیں۔