بنگلہ دیش میں کشتی کو حادثہ ، 21 مسافر جان بحق

کشتی میں ساٹھ افراد سوار تھے ۔ جن میں سے سات کو بچالیا گیا تاہم 21 مسافر ڈوب کر جاں بحق ہوگئے جبکہ متعدد افراد لاپتہ ہیں جن کی تلاش کے لیے ریسکیو آپریشن جاری ہے ۔

ریسکیو حکام کے مطابق ملنے والی لاشوں میں نو خواتین اور چھ بچے بھی شامل ہیں جبکہ مقامی افراد کی مدد سے دیگر افراد کی تلاش جاری ہے ۔

سرکاری حکام کا کہنا ہے کہ کشتی حادثے کی تحقیقات کے لیے کمیٹی تشکیل دے دی گئی ہے جو واقعے کی تحقیقات کررہی ہے ۔

گزشتہ سال جون میں ڈھاکہ میں ایک کشتی پیچھے سے آنے والے کشتی سے ٹکرا گئی تھی اور اس حادثے میں 32 افراد ڈوب کر جان بحق ہوگئےتھے ۔