ای سی پی ممبرز تعیناتی : شہباز شریف نے وزیر اعظم کے تجویز کردہ نام مستردکردیے

تفصیلات کے مطابق  الیکشن کمیشن کے ارکان کی تعیناتی کے معاملے میں وزیر اعظم عمران خان  کی جانب سے  لکھے گئے   خط میں تجویز کردہ نام اپوزیشن لیڈر شہباز شریف نے مسترد کردیے ہیں ۔

ذرائع کے مطابق اپوزیشن لیڈرشہباز شریف  نے  وزیراعظم عمران خان   کوجوابی خط لکھنے کا فیصلہ کیا ہے،اپوزیشن لیڈرشہبازشریف رواں ہفتے وزیراعظم کوجوابی خط میں الیکشن کمیشن کے ممبرپنجاب اورخیبرپختونخواہ سے تین ‏تین تجویزکریں گے۔

مزید پڑھیں : روس کا امریکہ سے افغانستان کے فنڈز جاری کرنے کا مطالبہ

ذرائع کا کہنا ہے کہ شہباز شریف  نے  الیکشن کمیشن کے ممبران کے ناموں پر اپوزیشن سے بھی مشاورت کا فیصلہ کیا ہے، شہباز شریف پیپلز پارٹی، جے یو آئی، اے این پی سمیت دیگر جماعتوں کا مشاورت کریں گے۔

خیال رہے کہ چند روز قبل  وزیر اعظم عمران خان نےالیکشن کمیشن میں ممبران کی خالی اسامیوں کیلئے شہباز شریف کو خط لکھا تھا ۔ خط میں پنجاب اور خیبرپختونخوا سےتین تین نام تجویز  کیے گئےتھے ۔پنجاب سے احسن محبوب ، راجا عامر خان ، سید پرویز عباس کے نام دیئے گئے تھے   جبکہ کے پی سے اکرام اللہ خان ، فرید اللہ خان اور مزمل خان کے نام دیئے گئے تھے ۔