کورونا وائرس ، ملک بھر میں 24 گھنٹوں کےدوران 118 اموات

نیشنل کمانڈ اینڈ آپریشن سنٹر ( این سی او سی ) کی جانب سے جاری کردہ تازہ اعدادو شمار کے مطابق گزشتہ 24 گھنٹے میں ملک بھر میں تین ہزار 838 کورونا کیسز رپورٹ ہوئے ، ملک بھر میں کورونا کی مجموعی کیسز کی تعداد 11 لاک 60 ہزار 119 ہوگئی ہے ۔

واضح رہے کہ کورونا وائرس کے پھیلاؤ کو روکنے کے لیے پشاور میں سمارٹ لاک ڈاؤن کا نفاذ کردیا گیا ہے ،  صوبائی دارالحکومت خیبر پختون خواہ کے پانچ مختلف مقامات میں سمارٹ لاک ڈاؤن کا نفاذ کردیاگیا ہے۔

تفصیلات کے مطابق ضلعی انتظامیہ کی جانب سے جاری کردہ نوٹیفیکیشن کے مطابق شہر کے پانچ مختلف علاقوں میں آج رات نو بجے سے سمارٹ لاک ڈاؤن نافذ ہوگا۔ جن علاقوں میں سمارٹ لاک ڈاؤن نافذ کیا جارہا ہے ان میں فقیر آباد ، حیات آبادفیز 6 ، فیصل کالونی ، رریاب کالونی اور اعجاز آباد شامل ہیں ۔

اعلامیہ کے مطابق سمارٹ لاک ڈاؤن کے دوران مذکورہ علاقوں میں غیر ضروری نقل و حرکت پر پابندی رہے گی۔ مذکورہ علاقوں میں کورونا کیسز رپورٹ ہونے کی وجہ سے سمارٹ لاک ڈاؤن لگایا جارہا ہے ۔