مولانا فضل الرحمان نے کورونا ویکسین لگوالی

تفصیلات کے مطابق  پاکستان ڈیموکریٹک موومنٹ (پی ڈی ایم ) کے سربراہ مولانا فضل الرحمان نے کورونا ویکسین  لگوالی  ہے۔سماجی رابطے کی ویب سائٹ  ٹوئٹر پر جماعت اسلامی پاکستان نے ایک ٹویٹ میں لکھا ہے کہ امیر جے یو آئی مولانا فضل الرحمان ویکسین لگوا رہے ہیں ۔

امیر جےیوآئی مولانا فضل الرحمٰن ویکسین لگوا رہے ہیں ۔ pic.twitter.com/Km7I4MJ0P8

— Jamiat Ulama-e-Islam Pakistan (@juipakofficial) August 31, 2021

مولانا فضل الرحمان نے شہریوں سے کورونا ویکسین لگوانے کی بھی اپیل کی  ہے۔پی ڈی ایم کے سربراہ مولانافضل الرحمان نے کہا ہے کہ  کورونا وائرس کو سنجیدگی سے لیں اوراحتیاط کریں۔

خیال رہے کہ رواں سال مارچ میں  جمعیت علماءاسلام ( جے یو آئی ) کے سربراہ مولانا فضل الرحمان نے طبیعت ناساز ہونے کے باعث تمام سیاسی سرگرمیاں معطل کر دیں تھیں  ، تاہم ان کی کورونا ٹیسٹ رپورٹ منفی آئی تھی۔