لیسکو نے ویکسینیشن نہ کروانے والے ملازمین کی تنخواہ روک دی

تفصیلات کے مطابق  سخت احکامات کے باوجود لاہور الیکٹرک سپلائی کمپنی  (لیسکو) کے پانچ ہزار ملازمین نے کورونا ویکسین نہیں لگوائی تھی جس کی وجہ سے  لیسکو حکام نے پانچ ہزار ملازمین کی اگست کی تنخواہ روک دی ہے۔

ذرائع ےکے مطابق  ملازمین کو ویکسین لگوانے کا ایک اور موقع دیدیا گیا،اگلے مرحلے میں ویکسین نہ لگوانے والوں کے خلاف کارروائی بھی کی جائیگی۔

نیشنل کمانڈ اینڈ آپریشن سنٹر ( این سی او سی ) کی جانب سے جاری کردہ تازہ اعدادو شمار کے مطابق گزشتہ 24 گھنٹے میں ملک بھر میں تین ہزار 838 کورونا کیسز رپورٹ ہوئے ، ملک بھر میں کورونا کی مجموعی کیسز کی تعداد 11 لاک 60 ہزار 119 ہوگئی ہے ۔

ملک بھر میں کورونا کیسز کی تعداد میں بدستور اضافہ سامنے آرہا ہے اور اب بھی گزشتہ 24 گھٹے کے دوران 118 افراد موت کے منہ میں چلے گئے ہیں ، جس کے بعد اموات کی تےتعداد 25 ہزار 788 ہوگئی ہے ۔