یوم دفاع وشہدا:پاک فوج نے نئی ویڈیو جاری کردی

تفصیلات کے مطابق ڈی جی آئی ایس پی آر میجر جنرل بابر افتخار کی جانب سے  سماجی رابطے کی ویب سائٹ ٹوئٹر پر ایک اور مختصر دورانیے کی ویڈیو جاری کی  گئی ہے۔ویڈیو  میں ڈی جی آئی ایس پی آر نے لکھا کہ   یوم دفاع اور شہداء پر اپنے شہداء، غازیوں، ان کے خاندانوں کے جذبے کو سلام۔ شہداء، غازیوں اور ان سے جڑے تمام رشتوں کو سلام۔  انہوں  نے ٹویٹ میں شہدائے پاکستان، ہمارا فخر کے الفا ظ بھی لکھے ۔

Defence & Martyrs’ Day
ایک رستے پہ ہوں سب یہ پیر و جواں
عزم ھوں بے لچک حوصلے ہوں جواں
ہم تیرے ھم قدم ہم تیرے ھم زباں
اے زمین وطن مادر مہربان#6September#ShuhadaKoSalamhttps://t.co/DRfJ7vo6dV

— DG ISPR (@OfficialDGISPR) September 4, 2021

 "اے زمین وطن مادر مہربان " کے نام سے نغمے میں وطن سے محبت کا اظہار نے حد خوبصورتی سے کیا گیا ہے، اس نغمے کو پاکستان کے معروف گلوکار شفقت امانت علی ، عابدہ پروین ، سجاد علی سمیت دیگر گلوگاروں نے گایا ہے۔

یاد رہے کہ پاک فوج کی جانب سے اس سے پہلے بھی مختصر دورانیے کی ویڈیوز جاری کی گئی ہیں جن میں غازیوں ، شہدا اور ان سے جڑے رشتوں کے جذبات کی عکاسی کی گئی ہے۔ پاک فوج یوم دفاع و شہدا کے مناسبت سے  اس ہفتے شہدا اور غازیوں کو خراج عقیدت پیش کر رہی ہے۔