سرکاری ملازمین کے لیے واٹس ایپ کی متبادل بیپ ایپ تیار

میڈیا رپورٹ سکے مطابق ایپ سے متعلق وزیرآئی ٹی سید امین الحق نے بتایا ہے کہ پاکستان میں اگلے چند ہفتوں  کے بعد ہم بیپ ایپ لانچ کرنے جارہے ہیں ، یہ ایپ تمام سرکاری ملازمین کے لیے ہوگی ۔

سید امین الحق نے بتایا کہ اس ایپ کی دیکھ بھال این ٹی سی کریں گی ،۔ اس لیے یہ محفوظ ہوگی ، یہ ایپ بن چکی ہے ٹرائل پر ہے ، چند ہفتوں میں لانچ کردی جائیگی ۔

ان کا کہنا تھا کہ پہلے مرحلے میں اس ایپ میں صرف ٹیکسٹ میسج کی سہولت ہوگی ، دوسرے مرحلے میں وائس میسج اور ویڈیو کال کی سہولت موجود ہوگی ۔

انہوں نے کہا کہ اس ایپ کو ابتدائی سٹیج میں صرف وفاقی سرکاری ملازمین کے لیے لانچ کیا جائیگا۔ خیال رہے کہ اسٹیبلشمنٹ ڈویژن نے وفاقی سرکاری ملازمین کوخط لکھ کر واٹس ایپ استعمال کرنے سے منع کیا تھا ۔