وزیر اعظم کی ایف سی چیک پوسٹ پر حملے کی مذمت

تفصیلات کے مطابق  وزیراعظم عمران خان  نے کوئٹہ مستونگ روڈ پر ایف سی چیک پوسٹ پر حملےکی مذمت کی ہے۔

سماجی رابطے کی ویب سائٹ ٹوئٹر پر ایک ٹویٹ میں وزیر اعظم عمران خان نے کہا کہ  کوئٹہ کےمستونگ روڈ پرایف سی  کی چیک پوسٹ پرتحریک طالبان پاکستان  کےخودکش حملےکی شدیدمذمت کرتاہوں۔میری ہمدردیاں شہداءکےاہلِ خانہ کیساتھ ہیں اورمیں زخمیوں کی شفایابی کیلئےدعاگوہوں۔

کوئٹہ کےمستونگ روڈ پرFCکی چیک پوسٹ پرTTP کےخودکش حملےکی شدیدمذمت کرتاہوں۔میری ہمدردیاں شہداءکےاہلِ خانہ کیساتھ ہیں اورمیں زخمیوں کی شفایابی کیلئےدعاگوہوں۔بیرونی قوتوں کی ایماءپربننےوالےدہشتگردی کےمنصوبےخاک میں ملاکرہمیں محفوظ بنانےوالےاپنےمحافظین+انکی قربانیوں کوسلام پیش کرتاہوں

— Imran Khan (@ImranKhanPTI) September 5, 2021

وزیر اعظم عمران خان نے لکھا کہ  بیرونی قوتوں کی ایماءپربننےوالےدہشتگردی کےمنصوبےخاک میں ملاکرہمیں محفوظ بنانےوالےاپنےمحافظین اور انکی قربانیوں کوسلام پیش کرتاہوں۔

خیا ل رہے کہ  مستونگ روڈ پر سونا خان کے قریب دھماکہ ہوا تھا ، جس میں 3افراد جاں بحق ہوگئے تھے جبکہ  20زخمی                                                                     تھے ۔

پولیس کا کہنا  تھا کہ   مستونگ روڈ ہزار گنجی پارک  کےقریب دھماکہ خودکش تھا، دھماکے میں نشانہ سیکورٹی فورسز کی گاڑی کو بنایا گیا،  خودکش بمبار موٹر سائیکل پر سوار تھا، خودکش حملہ آور کے جسمانی اعضاء مل گئے ہیں ۔ پولیس کے مطابق  دھماکے میں 3افراد جاں بحق 20افراد زخمی ہوئے ہیں ،مستونگ روڈ کوئٹہ کراچی قومی شاہراہ پر ہوا،سیکورٹی فورسز نے جائے واقعہ کو مکمل گہرے میں لے رکھاہے اور جائے واقعہ سے شواہد اکھٹے کئے جارہے ہیں۔