دھوکا نہ ہوتا تو حکومت کو عدم اعتماد سے گرا دیتے اور نئے الیکشن ہوتے  : بلاول بھٹو

چیئرمین پاکستان پیپلزپارٹی   بلاول بھٹو زرداری نے  کالم نویسوں ،  ایڈیٹرز ، صحافیوں سے  گفتگو  کرتے ہوئے کہا ہے کہ عوام سے حق حکمرانی ہمیشہ چھینا گیا ، دھوکا نہ ہوتا تو حکومت کو عدم اعتماد سے گرا دیتے اور نئے الیکشن ہوتے ،  پہلے پنجاب اور پھر وفاقی حکومت گرائی جا سکتی تھی ، ہماری  تجویز نہیں مانی گئی تو پھر ہم خود میدان میں آئے ہیں  ۔

بلاول بھٹو زرداری کا کہنا تھا کہ  ملک میں نیشنل ایکشن پلان پر عمل ہونا چاہیئے ۔ ہمارے جتنا کام تحریک انصاف اور ن لیگ والے نہیں کر سکے ، نئے جذبے اور انقلابی پالیسیوں کے ساتھ ا ٓگے بڑھ رہے ہیں ، پنجاب کے کونے کونے میں جا کر پیپلز پارٹی کو متحرک کر رہے ہیں ۔افغانستان سے متعلق بات کرتے ہوئے  بلاول بھٹو زرداری نے کہا کہ  افغانستان سے متعلق تحفظات ہیں ، انسانی حقوق ملنے چاہیئں ۔