محکمہ موسمیات  کی کل شام سے بارشوں کی پیش گوئی

تفصیلات کے مطابق  پی ڈی ایم اے خیبر پختونخوانے ضلعی انتظامیہ اورمتعلقہ اداروں کومراسلہ جاری کر دیا  ہے۔

محکمہ موسمیات کے مطابق   کوہستان ، شانگلہ ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان میں وقفے وقفے سے بارش کا امکان ہے،  بدھ سے جمعہ تک دیر ، کوہستان ، مانسہرہ اور ایبٹ آباد میں وقفے وقفے سے تیز بارش کا امکان ہے۔

 محکمہ موسمیات  کا کہنا ہے کہ   بارشوں کے باعث گرمی کی شدت میں کمی  ہوجائے گی  اور   بارشوں کا سلسلہ ہفتہ کے روزتک وقفے وقفے سے جاری رہنے کا امکان ہے۔

ڈی جی  پی ڈی ایم اے نے تیزبارشوں کے پیش نظرضلعی انتظامیہ اورمتعلقہ اداروں کو پیشگی اقدامات کرنےاورالرٹ رہنے کی ہدایات کی ہے،ترجمان پی ڈی ایم اے کا کہنا ہے کہ  سیاح دوران سفر خصوصی احتیاطی تدابیر اختیار کریں اورموسمی صورت حال سے باخبر رہے، پی ڈی ایم اے کا ایمر جنسی آپریشن سنٹر مکمل فعال ہے، عوام کسی بھی ناخوشگوار واقعے کی اطلاع ہیلپ لائن 1700 پر دیں۔