دہشت گردی کےخاتمےکیلئےہماری افواج اورعوام نےبےپناہ قربانیاں دی ہیں: صدرمملکت

جنرل ہیڈکوارٹرز (جی ایچ کیو)راولپنڈی میں یوم دفاع و شہداء کی   مرکزی  تقریب  ہوئی، صدرمملکت ڈاکٹر عارف علوی نے تقریب سے خطاب کرتے ہوئے کہا کہ  امیدہےافغان امن کیلئےدنیاہماری کوششوں کوحقیقت کی نظرسےدیکھےگی، افغانستان میں امن درحقیقت پاکستان میں امن ہے،  افغانستان کےساتھ سرحدپرباڑلگاکرمغربی سرحدکومحفوظ بنادیا۔دہشت گردی کےخاتمےکیلئےہماری افواج اورعوام نےبےپناہ قربانیاں دی ہیں۔

صدرمملکت نے کہا کہ افغانستان میں بدلتی صورتحال پرگہری نظررکھےہوئےہیں، پاکستان خطےمیں امن کاخواہاں ہے۔ کشمیریوں کی اخلاقی اورسیاسی حمایت جاری رکھیں گے، اس خطےکی ترقی کاراز کشمیرکےمنصفانہ حل میں  ہے، کشمیریوں کی جدوجہد کو سلام پیش کرتےہیں۔

صدرمملکت ڈاکٹر عارف علوی نے خطاب میں کہا کہ  بدقسمتی  سےہمارےہمسائےنےہماری آزادی کودل سےتسلیم نہیں کیا،  بھارت نےہرموقع پرپاکستان کونقصان پہنچانےکی کوشش کی، آزادی کےبعدہی پاکستا ن کوبھارتی جارحیت کاسامناکرناپڑا،ہمارےشہداہمارافخرہیں،ہمارےسروں کےتاج ہیں،56سال پہلے  مسلح افواج اور قوم  دشمن کےخلاف سیسہ پلائی ہوئی دیوار بن گئی، پاکستان کابچہ بچہ ملک  کیلئےجان دینےکیلئےتیارہے، جنگ ستمبرمیں ہم نےدشمن  کےناپاک عزائم کوناکام بنایا۔