عمران خان نےایک کروڑنوکریوں کاوعدہ کرکےمزیدلوگوں کوبےروزگارکردیا:بلاول بھٹو

تفصیلات کے مطابق میلسی میں کارکنوں سے خطاب کرتے ہوئے بلاول بھٹوکاکہنا تھا کہ کارکنوں نے ان کا دل جیت لیاہے،آپ نےبینظیربھٹوکو2مرتبہ وزیراعظم بنایا،پیپلزپارٹی عوامی خدمت پریقین رکھتی ہے۔

ان کا کہنا تھا کہ بینظیربھٹوکےوعدےپورےکریں گے،قائدعوام نےملک کوایٹمی طاقت بنایاتھا،پیپلزپارٹی کوسازش کےتحت پنجاب میں نقصان پہنچایاگیا،آصف زرداری اوربینظیربھٹوکی کردارکشی کی گئی۔

انہوں نے کہا ہے کہ پیپلزپارٹی کاعوام سے3نسلوں کارشتہ ہے،عوام ہماراساتھ دیں،پنجاب اورپاکستان کی قسمت بدل دینگے،قائدعوام نےکہاتھاکہ اسلام ہمارادین ہے،جمہوریت ہماری سیاست ہے۔

بلاول بھٹو کا کہنا تھا کہ جوزرداری کوچورچورکہتےتھےوہ آج خودسرٹیفائیڈچورہیں،آصف زرداری تما م کیسزسےباعزت بری ہوچکےہیں،جوہمیں چورکہتےہیں وہ خودچینی اورآٹاچورہیں۔

ان کا مزید کہناتھا کہ پنجاب کےغریب عوام کےحقوق کوسلب کیاجارہاہے،وسیب کےجیالوں کےساتھ ملکرپیپلزپارٹی کودوبارہ منظم کریں گے۔