پاکستان کی سیاسی قیادت کو ٹیکنالوجی کا کچھ نہیں پتا: فواد چوہدری

تفصیلات کے مطابق وفاقی کابینہ کے اجلاس کے بعد میڈیا کو بریفنگ دیتے ہوئے فواد چوہدری نے کہا ہے کہ اپوزیشن جماعتیں انتخابی اصلاحات نہیں چاہتیں،نواز شریف یا آصف علی زرداری نے کبھی اصلاحات کی بات نہیں کی۔

ان کا کہنا تھا کہ اپوزیشن کو اصلاحات پر راضی کرنے کی ہر ممکن کوشش کی،پی ٹی آئی واحدجماعت ہےجوانتخابی اصلاحات کی بات کررہی ہے ۔

فواد چوہدری کا کہنا تھا  کہ ن لیگ ایک باربھی دھاندلی کےبغیرالیکشن نہیں جیتی،ن لیگ کی سیاست اپنےخلاف عدالتی فیصلوں کےالتواتک محدودہوچکی ہے۔

وزیراطلاعات کا کہنا تھا کہ اگرالیکشن شفاف ہوجائیں توشریف فیملی کاکوئی سیاسی مستقبل نہیں ہے،اپوزیشن کواصلاحات کیلئےتجاویزدینےمیں کوئی دلچسپی نہیں،اس سےزیادہ نااہل اورنالائق اپوزیشن پاکستانی تاریخ میں نہیں دیکھی۔

فواد چوہدری کا کہنا تھا کہ کابینہ کے اجلاس میں نیشنل کونسل برائے طب کے ممبران کی منظوری دی گئی ہے، پاکستان میڈیکل کمیشن کےملازمین کے لیے گولڈن ہینڈ شیک کی منظوری  بھی دی گئی، اقتصادی رابطہ کمیٹی کے 31 اگست کے فیصلوں کی توثیق کی گئی۔

ان کا مزید کہنا تھا کہ پاکستان اور ازبکستان کے درمیان جوائنٹ سیکیورٹی کمیشن کا قیام عمل میں آیا ہے اور یہ وزیر اعظم کے دورہ ازبکستان کے نتیجے میں پاکستان اور ازبکستان کے درمیان بہت گہرا سیاسی اور اسٹریٹیجک تعلق قائم ہے۔