گجرات: وین برساتی نالے میں جا گری، 5افراد جاں بحق

جی این  این کے مطابق افسوس ناک  حادثہ گجرات کے جگو ہیڈ کے قریب پیش آیا ، جہاں   تیزرفتار وین   بے قابو  ہو کر برساتی نالے میں  جا  گری ، حادثے کی اطلاع ملتے ہی ریسکیو اورامدادی ٹیمیں موقع پر پہنچ گئیں ۔ وین میں سوار 9 مسافروں میں سے 4 کو بچا لیا گیا جبکہ 5 افراد کی لاشیں نکال لی گئیں۔

ذرائع کے مطابق وین میں موجود تمام افراد کا تعلق واہ کینٹ سے تھا، حادثے کے شکار افراد ایک عزیز کے جنازے میں شرکت کے لیے بھمبھر آزاد کشمیر جا رہے تھے۔