حکومت کا الیکٹرانک ووٹنگ مشین  ہر صورت استعمال کرنے کا اعلان

تفصیلات کے مطابق  حکومت نے آئی ووٹنگ اور الیکٹرانک ووٹنگ مشین  (ای وی ایم)  کاہرصورت استعمال کرنےکااعلان کیا ہے۔

مشیر پارلیمانی امور  بابر اعوان نے کہا ہےکہآئی ووٹنگ اورای وی ایم سےحکومت پیچھے نہیں ہٹےگی، آئی ووٹنگ ،ای وی ایم سےنہ عمراں خان ہٹےگا نہ اس کی حکومت ہٹےگی،  اس سےمتعلق  سپریم کورٹ کافیصلہ بڑاواضح ہے، حکومت سمجھتی  ہے کہ سمندرپار پاکستانیوں کو ووٹنگ کا حق نہ دینا توہین عدالت ہے۔

بابر اعوان نے کہا کہ  الیکشن کمیشن انتخابات کرانے کیلئے آئینی ریگولیٹر ہے، الیکشن کمیشن کی ذمہ داری ہےکہ قانون کےمطابق الیکشن کرائے، قانون بنانا نہ توالیکشن کمیشن کاکام ہے نہ ہی اختیار،  قانون بناناپارلیمنٹ کاکام ہے، قانون بن جائےتوالیکشن کمیشن کاموقف ہی ختم ہوجائیگا۔

مشیر پارلیمانی بابراعوان کا کہنا تھا کہ  ای وی ایم اور آئی ووٹنگ پر اعتراضات کرنے والوں نے دھاندلی روکنے کا کوئی طریقہ نہیں بتایا ہے، اپوزیشن کی دال میں بہت کالاہے۔ اپوزیشن کو دعوت دیتا ہوں کہ کھلے دل سے ای وی ایم کو قبول کرے، ای وی ایم مشین الیکشن کمیشن خریدےگاحکومت نہیں، الیکشن کمیشن کی جانب سے ای وی ایم قانون پر اعتراض کا لفظ ہی جائز نہیں، وہ تجاویز دے، ای وی ایم پرالیکشن کمیشن سمیت سب کوگھنٹوں سناگیاہے، ای وی ایم میں کوئی ایلفی ڈال جائیگاجیسے بیانات مضحکہ خیزہیں۔