این سی او سی  کا  کورونا کا  پھیلاؤ کو روکنے کیلئے عائد پابندیاں برقرار رکھنے کا فیصلہ

تفصیلات کے مطابق نیشنل کمانڈ اینڈ آپریشن سینٹر(  این سی او سی) کا اجلاس  ہوا جس میں  کورونا کے پھیلاؤ کو روکنے کیلئے عائد پابندیاں برقرار رکھنے کا فیصلہ  کیا گیا ،  کورونا سے زیادہ متاثر ہونے والے 24 اضلاع کی صورتحال کا جائزہ لیا گیا ۔مختلف صوبوں کے 24 اضلاع میں لاک ڈاؤن میں 15 ستمبر تک توسیع  کردی گئی ہے۔

اعلامیے میں کہا گیا ہےکہ   متاثرہ اضلاع میں ان ڈور اور آؤٹ ڈور اجتماعات پر پابندی برقرار  رہے گی ، متاثرہ اضلاع میں جم ،تعلیمی ادارے اور انٹر سٹی ٹرانسپورٹ بند رہے گی ۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد26ہزار497ہوگئی ہے،جبکہ  متاثرہ افراد کی مجموعی تعداد 11لاکھ94ہزار198ہوگئی ہے ۔ ملک میں کورونا وائرس کی  چوتھی  لہر کے دوران  مزید 84 افراد انتقال کر گئے جبکہ 4062 کیسز رپورٹ ہوئے ہیں۔