عمر شریف کیلئے اگلے 24 گھنٹے انتہائی اہم ، مداحوں سے دعا کی اپیل

جی این این کے مطابق پاکستان کے نامور کامیڈین عمرشریف نے ایک  ویڈیو بیان میں کہا ہے کہ ڈاکٹرز نے مجھے مشورہ دیا ہے کہ  میری بیماری کا بہتر علاج امریکہ میں ہوسکتا ہے ۔ انہوں نے عمران خان کو مخاطب کرتے ہوئے کہا  کہ"  میری خوش قسمتی ہے کہ مجھے شوکت خانم کی تعمیر میں اپنا حصہ ڈالنے کا موقع ملا، آ پ نے مجھے جب بھی کال کی ہے میں نے آپکی آواز پر لبیک کہا ہے،  مجھے یقین ہے کہ عمران خان میری آواز پر بھی لبیک کہیں گے۔

پاکستان کے سینیئر کامیڈین اور اداکار عمر شریف کی اہلیہ زرین عمر نے مداحوں سے ان کی صحت کیلئے دعا کی اپیل بھی کی ہے ۔ سوشل میڈیا سائٹ پر عمر شریف  کی اہلیہ زرین عمر کی جانب سے ایک پوسٹ شیئر کی گئی ہے جس میں انھوں نے لکھا ہے کہ عمر شریف کے لیے اگلے 24 گھنٹے انتہائی اہم ہیں۔

عمر شریف کی اہلیہ نے ایک اور پوسٹ میں  لکھا ’’میں زرین عمر اور جواد عمر حکومتی حکام کے ساتھ رابطے میں ہیں۔ ہم صرف یہ واضح کرنا چاہتے ہیں کہ عمر اور ان کے اہلخانہ نے حکومت اور کسی ادارے سے مالی امداد کی درخواست نہیں کی۔ ہم عمر شریف کا ویزا جلد سے جلد حاصل کرنے کے لیے مدد مانگ رہے ہیں۔

خیال رہے کہ عمر شریف کچھ عرصے سے کافی علیل ہیں ، وہ گردوں اور دل کے عارضے میں مبتلا ہیں ۔