ملک بھر میں کنٹونمنٹ بورڈز  کے انتخابات کیلئے پولنگ کا وقت شروع

تفصیلات کے مطابق ملک بھر میں کنٹونمنٹ بورڈز  کے انتخابات کیلئے پولنگ کا  عمل جاری ہے۔پولنگ اسٹیشنز کی حدود میں پولیس کے ساتھ رینجرز اہلکار بھی  تعینات ہیں  جبکہ انتہائی حساس پولنگ اسٹیشنز پر سی سی ٹی وی کیمرے نصب کئے گئے ہیں۔42 کنٹونمنٹ بورڈز کے 219 وارڈز میں ووٹ ڈالے جائیں گے۔ایک ہزار 559 امیدوارمدمقابل ، 21 لاکھ 97 ہزار 741 ووٹرز اپنا حق رائے دہی استعمال کریں گے۔

 لاہور  کنٹونمنٹ بورڈ   انتخابات کےلیے 357پولنگ اسٹیشنز قائم  کیے گئے ہیں  ۔ پاکستان تحریک انصاف کے سب سے زیادہ    امیدوار میدان میں ہیں ،  بیس وارڈز میں  241 پولنگ اسٹیشنز حساس جبکہ 44 پولنگ اسٹیشن کو انتہائی حساس قرار دیا گیا ہے۔

لاہور کے والٹن کنٹونمنٹ بورڈ کے وارڈ نمبر 7 کی پولنگ ملتوی کردی گئی ہے،پولنگ آزاد امیدوار کے انتقال کر جانے کی وجہ سے ملتوی کی گئی ہے،وارڈ نمبر 7 سے صداقت محمود بھٹی آزاد امیدوار تھے۔الیکشن کمیشن آف پاکستان نے کہا ہے کہ وارڈ نمبر 7 کے لیے بعد میں پولنگ شیڈیول جاری کیا جائے گا۔

الیکشن کمیشن  انتخابات  کی موثر نگرانی کے لئے سیکرٹریٹ میں کمپلینٹ سنٹر قائم کر دیا،انتخابات کے حوالے سے کسی قسم کی شکایات 051-9204402 اور 9204403 پر درج کروائی جاسکتی ہے۔