چین کا  طالبان حکومت کیلئے بڑی امداد کا اعلان

تفصیلات کے مطابق چین کے ایلچی وانگ یو نے  طالبان حکومت کے عبوری وزیر خارجہ  مولوی امیر خان متقی سے ملاقات  میں اور  انسانی ہمدردی کی بنیاد پر مالی امداد کا اعلان کیا ہے۔ 

سماجی رابطے کی ویب سائٹ ٹوئٹر پر ایک ٹویٹ میں امارت اسلامیہ افغانستان کے ترجمان ڈاکٹر محمد نعیم نے لکھا کہ  عبوری حکومت کے وزیر خارجہ مولوی امیر اللہ متقی سے افغانستان کے لیے چین کے خصوصی ایلچی وانگ یو نے اہم ملاقات کی ہے،  ملاقات میں چین کے ایلچی برائے افغانستان وانگ یو نے نئی حکومت کے قیام پر مبارک باد دی اور نیک تمناؤں کا اظہار کیا۔

مزید پڑھیں: این سی او سی کی جعلی ویکسینینیشن سرٹیفیکیٹ بنانے والے افراد کے خلاف کارروائی کی ہدایت

ترجمان طالبان نے کہا ہے کہ  اس موقع پر چین کے ایلچی وانگ یو نے انسانی ہمدردی کی بنیاد پر ڈیڑھ کروڑ ڈالر کی مالی امداد کی فراہمی سے آگاہ کیا ۔اس کے علاوہ کورونا ویکسین کی 30 لاکھ خوراکیں   بھی دیں ۔

1/2- نن د افغانستان اسلامي امارت د بهرنيو چارو وزير ښاغلي مولوي امير خان متقي په کابل کې د ګاونډي هېواد چين له سفير وانګ يو سره وکتل.
د چين سفير د نوي افغان حکومت له امله مبارکي وويله او زياته يې کړه: چين له افغانستان سره خپلو بشري، اقتصادي او سياسي همکاريو او اړيکو

— Dr.M.Naeem (@IeaOffice) September 14, 2021

ڈاکٹر محمد نعیم  کے مطابق  چین کے خصوصی ایلچی نے اس ملاقات کے دوران  افغانستان کے ساتھ انسانی، معاشی، سیاسی تعاون اور تعلقات قائم رکھنے کے عزم کا اعادہ بھی کیا۔

امارت اسلامیہ افغانستان کے عبوری  وزیر خارجہ مولوی امیر خان متقی نے چین کی مالی امداد پر شکریہ ادا  کیا،ان کا کہنا تھا کہ  چین اور افغانستان ہمسائیہ ممالک ہیں اور دوطرفہ تعلقات کی ترقی دونوں فریقوں کے مفاد میں ہے۔

خیال رہے کہ  گزشتہ ہفتے  چین کے وزیر خارجہ وانگ یی نے پاکستان، ایران اور تاجکستان، ازبکستان اور ترکمانستان کے ہم منصبوں کے ساتھ ویڈیو کانفرنس کے دوران افغان شہریوں کے لیے 3 کروڑ 10 لاکھ ڈالر کی مالی امداد کی پیشکش کی تھی۔