سیکیورٹی فورسزکاشمالی وزیرستان  میں خفیہ آپریشن، 2 دہشت گرد ہلاک

پاک فوج کے شعبہ تعلقات عامہ (آئی ایس پی آر ) کے مطابق سیکورٹی فورسز  کا  شمالی وزیرستان کے علاقہ دتہ خیل میں انٹیلیجنس اطلاع پر آپریشن، آپریشن خفیہ پناہ گاہ میں دہشت گردوں کی موجودگی کی اطلاع پر کیا گیا۔

آئی ایس پی آر کے مطابق  آپریشن کےدوران دہشتگردوں سےفائرنگ کاتبادلہ ہوا جس میں 2دہشتگردہلاک ہوگئے ہیں ۔ دہشتگردوں کےٹھکانےسےبھاری مقدارمیں اسلحہ وبارودبرآمد ہوا ہے۔

ترجمان پاک فوج کے مطابق مزید دہشت گردوں کی تلاش اور خاتمہ کے لیے علاقہ میں سرچ آپریشن جاری ہے۔

خیال رہے کہ گزشتہ ہفتے  سیکیورٹی فورسز   کے  شمالی وزیرستان کے علاقے دوسالی میں کلیئرنس آپریشن  کے دوران بارودی سرنگ کے دھماکے سے 2 سپاہی شہید  ہوگئے  تھے ۔

آئی ایس پی آر کے مطابق  سپاہی ضیا اکرم اور مصور خان شہید  ہونے والوں میں شامل تھے ، ضیا اکرم مظفر آباد جبکہ مصور خان باجوڑ سے تعلق رکھتے تھے۔سیکویرٹی فورسز نے علاقے کو گھیرے میں لے کر دہشتگردوں کی تلاش شروع کردی تھی۔  سیکیورٹی فورسز سے فائرنگ  کے  تبادلے میں ایک دہشتگرد ہلاک بھی ہوا تھا۔