مقبوضہ کشمیر میں بھارتی فوج کا ہیلی کاپٹر گر کر تباہ ، دو پائلٹ ہلاک

بھارتی میڈیا  کے مطابق بھارتی فوج کا ہیلی کاپٹر  ضلع  ادھم پور کے علاقے  شیو گڑھ دھر میں حادثے کا شکار ہوگیا ۔ آرمی ایوی ایشن ہیلی کاپٹر میں دو افراد سوار تھے ۔ ڈی آئی جی اودھم پور سلیمان چودھری  کا کہنا ہے کہ اطلاع ملتے ہی  امدادی ٹیمیں موقع پر پہنچ گئیں ، دونوں زخمی پائلٹس کو ہسپتال منتقل کردیا گیا تاہم وہ جانبر نہ ہوسکے  ۔ بھارتی میڈیا کے مطابق  دونوں پائلٹ میجر رینک کے افسر تھے۔ پولیس کے مطابق  دھند کے باعث  حادثہ پیش آیا ہے ۔

یاد رہے کہ 3 اگست کو بھارتی فوج کا ایک اور ہیلی کاپٹر جموں و کشمیر کے کٹھوعہ میں رنجیت ساگر ڈیم جھیل سے ٹکرا گیا  تھا جس کے نتیجے میں دو پائلٹ ہلاک ہوگئے تھے ۔