وزیراعظم کےمعاون خصوصی توانائی تابش گوہر مستعفی

وزیراعظم کےمعاون خصوصی توانائی تابش گوہر مستعفی ہوگئے ہیں۔ وزیراعظم نے تابش گوہر سے استعفی طلب کیا تھا۔

ذرائع کا کہنا ہے کہ وزیراعظم تابش گوہر کی کارکردگی سے مطمئن نہیں تھے۔ وزیر توانائی حماد اظہر بھی معاون خصوصی کی موجودگی سے ناخوش تھے۔

وزیر توانائی حماد اظہر نے گزشتہ روز وزیراعظم سے ملاقات بھی کی تھی۔ ملاقات میں وزیر توانائی نے تابش گوہر کے حوالے سے تحفظات کا اظہار کیا تھا۔

تابش گوہر پر پی ایس او، فیسکو اور مختلف پاور پلانٹس میں منظورنظر افسران تعینات کرانے کا الزام تھا۔

وزیراعظم عمران خان نے تابش گوہر کا استعفیٰ منظور کر لیا ہے۔ معاون خصوصی توانائی تابش گوہر کے استعفے کا نوٹیفکیشن بھی جاری کر دیا گیا ہے۔