وزیر اعظم نے افغان حکومت کو تسلیم کرنے بارے جو کہا اس کا خیر مقدم کرتے ہیں : بلاول بھٹو

چیئرمین پیپلز پارٹی بلاول بھٹو زرداری   نے  غیر ملکی خبر رساں ادارے کو  انٹرویو دیتے ہوئے کہا ہے کہ  وزیراعظم عمران خان نے افغان حکومت کو تسلیم کرنےبارےجو کہااس کا خیرمقدم کرتے ہیں،  بین الاقوامی سطح پراتفاق رائےکےبعد ہی افغان حکومت کوتسلیم کرناچاہئے، افغان حکومت کو تسلیم کرنےکےحوالےسے پاکستان کے اندر بھی اتفاق رائے ہوناچاہئے۔

بلاول بھٹو نے کہا کہ  اس موضوع پر پاکستانی پارلیمنٹ کا اجلاس نہیں ہوا، پاکستان کے اندر سے اس حوالے سے کوئی مشترکہ رائے نہیں آئی،  ملک میں بیشتر مسائل کی وجہ سے ابھی ہم اس معاملےپر پارلیمانی سیشن نہیں بلاسکے۔پاکستان کے افغانستان پر اثر انداز ہونے کے معاملے کو اکثربڑھا چڑھا کر بتایاجاتاہے۔پاکستان کو شراکت داری پر مبنی افغان  حکومت کے قیام کی حوصلہ افزائی کرنی چاہیے،  افغانستان میں  خواتین اور بچوں کے تحفظ کیلئے پاکستان کو اپنا کردار ادا کرنا چاہیے۔

چیئرمین پیپلزپارٹی بلاول بھٹو زرداری کا کہنا تھا کہ   بین الاقوامی پارٹنرز کیساتھ مل کرپاکستان کوکام کرنا ہوگاکہ افغانستان کو خطے میں دہشتگردی کیلئے استعمال نہ کیاجائے ، افغان شہریوں کی طرح پاکستانی بھی کئی دہائیوں کی جنگ سے تنگ آچکے ہیں، ہم سب بہترین کی توقع کررہے ہیں،  بہترین کی توقع کرتے ہوئے ہمیں بدترین صورتحال  کیلئے بھی تیاررہناچاہیے۔