کورونا کے پھیلاؤ میں کمی، 24 گھنٹوں میں 2 ہزار 333 کیسز، 47 اموات رپورٹ

تفصیلات کے مطابق  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں کورونا وائرس کی  چوتھی  لہر کے دوران  مزید 47افراد انتقال کر گئے جبکہ 2ہزار 333کیسز رپورٹ ہوئے ہیں۔   ملک میں  اموات کی مجموعی تعداد27ہزار374ہوگئی ہے،جبکہ  متاثرہ افراد کی مجموعی تعداد 12لاکھ30ہزار238 تک پہنچ گئی ہے۔  این سی اوسی کے مطابق ملک میں کورونا کے فعال کیسز کی تعداد61ہزار947ہوگئی  جبکہ گزشتہ 24گھنٹوں میں کوروناکے51ہزار139ٹیسٹ کئےگئے ۔

پنجاب

پنجاب میں کورونا مریضوں کی تعداد 4لاکھ24ہزار 701ہوگئی ۔ جبکہ صوبے میں اب تک 12ہزار 470افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ52ہزار 267ہو گئی جبکہ صوبے میں اب تک 7 ہزار 295افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 71ہزار874ہوچکی ہے ۔ صوبے میں 5444افراد چل بسے۔

بلوچستان

بلوچستان میں کورونا وائرس کے اب تک 32ہزار796کیسز رپورٹ ہوئے ہیں جبکہ صوبے میں 345مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 4ہزار 472جبکہ اموات کی تعداد905تک جاپہنچی ۔

گلگت بلتستان

گلگت بلتستان میں اب تک 10ہزار 264فراد کورونا کا شکار ہوئے ہیں جبکہ182افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد33ہزار864ہوچکی ہے جبکہ 733افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں میں  3ہزار261افرادکوروناسےصحتیاب ہوچکےہیں ۔ ملک بھر میں اب تک11لاکھ40ہزار917ریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔