عالمی وبا :24 لاکھ77ہزار سے زائد جانیں نگل گئی، 11کروڑ سے زائد متاثر

تفصیلات کے مطابق دنیا بھر میں کورونا سے اموات  کا سلسلہ   تھم نہیں سکا ،   دنیا بھر میں کورونا سے متاثرہ ممالک کی فہرست میں امریکہ پہلے نمبر پر ہے ۔ جہاں 5 لاکھ 11 ہزار 133 اموات ہوچکی ہیں اور 2 کروڑ 87 لاکھ 65 ہزار سے زائد افراد متاثر ہیں۔ امریکا میں   فعال کیسز کی تعداد 16,953 ہے ۔ بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 56 ہزار 418 اور ایک کروڑ 10لاکھ 5 ہزار سے زائد افراد میں وائرس کی تشخیص ہو چکی ہے.

کورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے جہاں   کورونا سے ہونے والی اموات کی مجموعی تعداد 2 لاکھ 46 ہزار سے تجاوز کرچکی ہے  اور ایک کروڑ 16لاکھ  سے زائد افراد متاثر ہیں۔ روس میں 41 لاکھ 64 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 83 ہزار 293ہے۔ برطانیہ، وائرس کی تیسری اور بدترین لہر کا شکار ہے، برطانیہ میں  کورونا کیسز میں اضافے کے بعد  17جولائی تک لاک ڈاؤن   بڑھا دیا گیا ہے۔ برطانیہ میں 41 لاکھ 15 ہزار سے زائد افراد متاثر ہیں اور ایک لاکھ 20 ہزار 580 اموات ہوچکی ہیں۔

فرانس میں 36 لاکھ5 ہزار سے زائد افراد متاثر اور 84 ہزار 306جان کی بازی ہار چکے ہیں۔ اسپین میں 31 لاکھ 33 ہزار سے زائد افراد متاثر اور 67 ہزار 101 اموات ہوئی ہیں۔ اٹلی میں بھی 28 لاکھ 9 ہزار سے زائد افراد متاثر ہیں جبکہ 95 ہزار718 افراد ہلاک ہوچکے ہیں۔ترکی میں  اموات کی تعداد 28 لاکھ سے تجاوز کرچکی ہے۔

دنیا بھر  میں کورونا کے 8 کروڑ 73 لاکھ 19 ہزار سے زائد مریض صحت یاب ہوچکے ہیں  اور 2 کروڑ 21 لاکھ سے زائد زیر علاج ہیں۔

خیال رہے کہ کورونا وائرس کا پہلا کیس17نومبر 2019 کورجسٹر ہواتھا ۔